|
2007/12/17
|
في أول تجربة حوارية عبر التدوين الصوتي في موقع رديون يناقش المدونون الشنفرة و حاكم النورمال لاند و فري رايس و طارق الكحلاوي الشريط السينمائي الجديد "عرس الذيب" و من خلاله موضوع السينما التونسية... تتخلل الحوار مقطوعات موسيقية لأنور براهم و من شريط المريض الانجليزي
|
عدد المرات التي تم فيها تحميل الحوار: 128 | عدد التعليقات: 2 |
| Anonymous يقول... | 5:17 AM |
Bj
Merci pour cette interview
1. Concernant "el lablabi" et son apparition dans les films tunisiens je vous rassure il était présent dans plusieurs films.
2. prière ne résumez pas (l’histoire) des films et ne parlez pas des personnes ( Nouri Bouzid ) mais de films.
2.On ne peut pas parler de ce film ( tendresse des loups ) sans le comparer avec "making off", présenté aux jcc , et /ou l'excellent "khorma" premier long métrage du même réalisateur .
3. Comment vous parlez d’un film que vous n’avez pas vu ?
4. vous parler parfois de généralités ( et des idées ) et non du cinéma et ses plaisirs .
A+
soufi2
| radyoun رديون يقول... | 11:01 AM |
الصوفي: شكرا على الاهتمام
أولا، حتانا قلت إلي صحفة اللبلابي شاركت في أفلام سابقة
ثانيا، الحديث عن الأفلام بشكل إجمالي ماهوش عيب و إلا أمر غير ممكن أو غير موضوعي... النظرة الإجمالية للسيرورة التاريخية لأي ظاهرة مسألة عادية جدا... إذا كان ترى فمة مشكل فإنو يكون مع محتوى التقييم الإجمالي مش مع التقييم التاريخي... بالنسبة للشخصيات: رأيي و يظهرلي هذية مسألة معروفة بالنسبة لأي أعمال فنية حسب ما نعرف من اختصاصي الاكاديمي أنو شخصية فاعل الفن مهم في برشة أحيان خاصة في حالة النوري بودزيد في تفسير و تقييم أعمالو الدرامية
ثالثا إلي إنت حطيتها ثانيا الحقيقة أنا ما تفرجتش في الفيلم و هذاكة علاش ما قارنتو بحتى فيلم أما إلي تفرج عليه يعني حاكم النورمال لاند قارنو بفيلم خورمة إلي كان ديما يحكيلي عليه
رابعا إلي انت حطيتها ثالثا جزء فقط من الحوار كان حول فيلم عرس الذيب و إلي حكى عليه بالأساس هو إلي تفرج عليه يعني حاكم النورمال لاند و هذاية كان واضح من كلامنا... أنا واحد من الناس سئلت القوفرنور على أشياء تكتبت في الصحافة و قتلو يعطينا رايو فيها... يعني بمعنى آخر حتى حد ما حكى على الفيلم متاع عرس الذيب من غير ما تفرج فيه.... الجزء الثاني من الحصة و هو أغلبها كان حول السينما التونسية و وقتها الكل عبرنا على راينا لأنو شاهدنا عدد كافي منها لإبداء الرأي
خامسا إلي انت حطيتها رابعا إذا كان تقصد بالعموميات "الأفكار" فإننا فعلا حكينا على الأفكار.. و أي مهتم بتاريخ الفن بشكل عام يعرف أهمية الأفكار في تقييمها... وب المناسبة حسب رايي نحنا مشكلنا في تونس هو في الأفكار... و الأفكار لهنا ماهياش منفصلة على متعة السينما و إنما هي مظهر من مظاهرها... لأن المتعة الدرامية وسيلة من وسائلها هي الأفكار...
مرة أخرى شكرا على اهتمامك... و نقدك للحوار... و ما فيها باس كان تحب تشارك معانا في موضوع عندو علاقة بالسينما مرة أخرى... راسلنا على البريد الالكتروني كان عندك مقترحات
طارق الكحلاوي
رديون: مدونة صوتية... تجمع عديد المدونين التونسيين في حوارات حول أهم الأحداث و التطورات..
لمشاهدة المزيد من التفاصيل
لمن يرغب في المشاركة في رديون و ارسال ملاحظات و اقتراح مواضيع للحوار ارسال رسالة الكترونية على العنوان البريدي الخاص بالموقع:
كان تحب تسمعنا صوتك...
يتعاون أعضاء مدونة رديون في تقديم برامج على إذاعة تونس زوون و يقع وضعها تباعا على الموقع.
